Borgarstjórinn

2005-11-03T11:51:00.000-08:00

Ég ætla að henda fram magnaðri kenningu. Svo kemur bara í ljós hvort hún reynist rétt eða ekki.

Reykjavíkurborg hefur krafist skaðabóta frá olíufélögunum vegna verðsamráðsins fræga.
Ég tel að olíufélögin muni gera allt sem þau geta til að koma R-listaflokkunum frá stjórn borgarinnar. Þau munu leggja miklar fjárhæðir í kosningasjóð Sjálfstæðisflokksins til að koma sínum mönnum að í borginni. Ef Sjálfstæðisflokkurinn kemst til valda í Reykjavík eftir næstu kosningar tel ég að þeir muni draga skaðabótakröfuna til baka. Niðurstaðan væri að báðir aðilar græða á kostnað borgarinnar.

Ég hvet alla til að horfa á Kastljós á eftir þar sem hin magnaða hljómsveit STJÓRNIN mun spila í lok þáttar. STJÓRNIN ER SJÖ MANNA BAND eins og allir vita.

Ég bendi Tuma á að horfa á þáttinn á netinu.

2005-10-26T15:42:00.000-07:00

Lífið mitt er alveg einstaklega óspennandi þessa dagana en í fréttum er þetta helst.

100% nám + 100% vinna = 200% eða svo segir JIM.
Eða eins og ÞÞ=Þ^2=Larfur Hattur segir svona sirka 300.

Getur einhver lánað mér nokkra klukkutíma í sólarhringinn?

Ég fékk tölvupóst frá HR í dag þar sem mér var boðið á kynningu á meistaranámi í byggingarverkfræði í HR. Ég sem áhugamaður um verkfræði ætla að sjálfsögðu að mæta og kanna hvað HR hefur uppá að bjóða. Einnig hef ég hug á að spyrja fullt af leiðinlegum spurningum.

Ég heyrði góða sögu í dag um strák sem er í verkfræði í HR. Aðsóknin í eina af brautunum var svo lítil að það var ákveðið að taka inn fólk sem ekki var talið vera með nægilegan undirbúning í stærðfræði. Afleiðingin er sú, samkvæmt þessum strák, að námið var gert léttara til að koma þeim í gegn sem höfðu verið teknir inn í námið.

TIL UMHUGSUNAR:
ÆTLAR HÁSKÓLINN Í REYKJAVÍK AÐ GJALDFELLA GÆÐI VERKFRÆÐINÁMS?
ÞARF MAÐUR BARA AÐ BORGA SKÓLAGJÖLDIN TIL AÐ TRYGGJA ÚTSKRIFT?
HEFUR VERKFRÆÐINGAFÉLAGIÐ LAGT BLESSUN SÍNA YFIR NÁMIÐ Í HR?
HEFUR IÐNAÐARRÁÐUNEYTIÐ LAGT BLESSUN SÍNA YFIR NÁMIÐ Í HR?

2005-10-11T12:50:00.000-07:00

Jæja þá er próftaflan mín komin í hús. Hún er svona líka alveg magnað skelfileg. Ég greyið þarf að taka tvö próf á einum degi þ.e. þeim 10 desember. Það er gott til þess að vita að Hreinn Pálsson prófstjóri hafi svo mikla trú á mér að hann telji mig geta klárað þetta. Sjálfur hef ég alltaf haft svona tiltölulega mikla trú á sjálfum mér í gegnum tíðina. Það verður ekkert mál að klára þessi próf. Maður er nú ekki nema í fimm kúrsum og vinna svona sirka 100 prósent með. Maður spyr sig hvar próflausu kúrsarnir séu? Já auðvitað, hinum megin við Suðurgötuna. Eða eins og ég hef oft sagt S.F.H.M.V.S.

Ég fór í haustferð síðastliðin föstudag með fallega fólkinu í umhverfis og byggingarverkfræði. Við lögðum af stað um kl 08:30 eða svona sléttum nokkrum klukkutímum eftir öldrykkju á Októberfest. Við heimsóttum Vegagerðina í Borgarnesi, svo fórum við í Deildartunguhver, þó ekki ofaní því hann er í heitari kantinum. Svo fórum við í Andakílsárvirkjun og enduðum hjá Loftorku í Borgarnesi. Ekki má gleyma því sem öllum þótti mest áhugavert í ferðinni en það var heimsóknin í Búvélasafnið. Það var sennilega eitt það leiðinlegasta og óáhugaverðasta sem ég hef séð lengi eða frá því að ég sá greiningu IIIB bókina síðast.

Svo er náttúrulega gaman að segja frá því að Ævar Örn bróðir og félagar hans ætla að flytja inn rappara frá NY til að skemmta landanum. Maður á sjálfsagt eftir að skipta sér eitthvað af því. Maður er svo sjúklega mikið inní þessum rappara heimi. Nú er bara að taka fram bling bling dótið sem maður á og hengja það framanásig og henda upp derhúfunni.

Jæja þá er best að kíkja á skýrslu í Jarðtækni og grundun.

2005-10-03T12:58:00.000-07:00

Kannski soldið mikið bil á milli. Einhver hundur í þessu.

2005-10-03T12:54:00.000-07:00

Ég er búinn að bæta inn linkum og allskonar dóti á síðuna. Ég held að ég sé búinn að koma inn svona kommenta kerfi. Spurning hvort það virki. Ohh ég er svo mikill tæknigúrú.

2005-10-03T09:21:00.000-07:00

Jæja þá er komið að því að endurvekja bloggið mitt. Tumi benti mér á að það væri dautt, sem ég vil náttúrulega ekkert kannast við. Það má kannski segja að maður hafi gleymt að blogga síðustu mánuði.

Ég fór með bílinn minn í smá lagfæringar á miðvikudaginn. Það var nú allt gott og blessað en afleiðingar þess voru að ég var bíllaus á fimmtudaginn. Ég ákvað að taka strætó í skólann á fimmtudagsmorguninn. Ég skoðaði nýja leiðakerfi Strætó á netinu og sá að leið 12 liggur frá Borgartúni og út í HÍ. Þetta nýja kerfi er bara helvíti heppilegt fyrir mig. Á síðustu dögum hafa komið upp hugmyndir um gjaldfrjálsan Strætó á höfuðborgarsvæðinu. Björn Ingi Hrafnsson skrifaði pistil á heimasíðuna sína um að nemar og aldraðir fái frítt í Strætó. Þar sem margir vilja meina að ég tilheyri báðum hópum þ.e. nemum og öldruðum ætti ég kannski að fá borgað fyrir að taka Strætó? Pæling.

Ævar Örn bróðir kom heim á laugardaginn frá USA þar sem hann var búinn að vera á flakki í mánuð. Hann fékk sér geðveikt kúl tattú á báðar hendur. Mér finnst reyndar skrítið að hann hafi ekki fengið sér t.d. skjaldamerki Vestmannaeyjabæjar á bakið. Það er örugglega bara svo hressandi að vera með gott skjaldamerki á bakinu og burðast með það um borgina.

Þá er ekki fleira í þættinum að sinni, veriði sæl.

2005-01-24T13:50:00.000-08:00

"Þá er ekki eftir neinu að bíða, bíðum samt aðeins"
Hvar voru þessi orð látin falla?

Nú er ykkar að giska á rétt svar, ég er ekki með svona kommenta kerfi þannig að þið verðið að senda mér póst á kenneth@hi.is með ykkar svörum. Dregið verður úr réttum svörum við hátíðlega athöfn við sundlaugina í Hveragerði aðfaranótt 5. mars. Ansi vegleg verðlaun verða í boði m.a. fullt af ansi veglegum verðlaunum.

Ég hef verið að velta fyrir mér hinum sjö undrum veraldar og ég hef komist að niðurstöðu

1. Hve oft Tumi sofnar í tímum
2. Hve oft Tumi vaknar í tímum
3. Hvernig Birgir Jónsson finnur eitthvað á skrifborðinu sínu.
4. Hvernig Trausti Valsson komst í sjálfstætt fólk með Jóni Ársæli
5. Árshátíðaratriði hjá okkur strákunum í byggingunni árið 2004
6. Hvernig Ísland náði að jafna leikinn á móti Tékkum
7. Af hverju Gunni hefur ekki nýtt sér forkaupsrétt á öllum hlutabréfum í American Style

Sorrý þetta bloggleysi en ég hef bara ekkert komist í tölvu í soldinn tíma

2004-07-23T04:06:00.000-07:00

Ég sá þessa frétt á mbl.is

Tún á stöku stað tekin að brenna

Lítil úrkoma á Vesturlandi að undanförnu hefur valdið því að ár eru víða vatnslitlar og spretta í túnum er minni fyrir vikið og þau tekin að fölna á stöku stað og brenna.
Að sögn Eiríks Blöndals, framkvæmdastjóra Búnaðarsamtaka Vesturlands, er sumarið engu að síður gott með tilliti til búskapar og bændur víða búnir að heyja og eru áhrif lítillar úrkomu á tún bundin við afmörkuð svæði.

Ég sem hélt að það væri alltaf rigning á stöku stað. Nú er ég alveg hættur að skilja þetta veður

2004-07-10T03:58:00.000-07:00

Jæja þá eru Skógahátiðin mikla búinn og ég rétt búinn að jafna mig eftir þessa frábæru hátíð. Óvænta uppákoman kom skemmtilega á óvart þar sem boðið var uppá karókí að hætti húsins. Ekki kannast ég við að Kolbeinn Tumi Daðason hafi tekið þátt í karókíinu en það er náttúrulega ekkert nýtt að ég taki ekki eftir svona hlutum.

Óhætt er að segja að gríðarleg stemmning hafi myndast þegar Hemmi eins frískur og fjörugur og hann er var settur undir geislan góða. Byggingin stóð fyrir hinni myndarlegustu "allir dansa kónga" röð og fór það vel í mannskapinn. Laugardagurinn byrjaði heldur betur vel með ratleik að hætti Huldu og svo voru Skógarleikarnir haldnir þar sem keppt var í hinum ýmsu greinum. Meðal annars var keppt í tátappakasti, ölympískuleikunum og fleiri frábærum greinum.

Stjórn F.V. þ.e. félag verkfræðinema er gríðarlega sátt við hvernig til tókst og fólkið sem mætti var snilld. Segja má að Hjálparsveit Skáta Hveragerði hafði í raun ekkert að gera nema að týna dósir og veita okkur andlegan stuðning. Þess ber þó að geta að nauðsynlegt er að hafa hjálparsveit á svæðinu ef eitthvað kemur uppá.

Og svona í lokin þá voru hnefahöggin á hátíðinni í rauninni jafnmörg og vísindaferðirnar og samkvæmin sem Dolli hefur mætt í síðustu árin. Samtals 0

Takk fyrri túkall

2004-06-29T02:00:00.000-07:00

Fólk er eitthvað aðeins að kvarta undan ritstíflu en ég kannast ekkert við það. Skógar nálgast og spennan magnast. Við byrjuðum að selja miða í gær og gekk mjög vel að koma þeim út. Maður gærdagsins er án efa Víkingur sem keypti fyrsta miðann og ég lofa að endurgreiða honum ef hann er sá eini sem mætir á skóga. Ég geri reyndar ráð fyrir að það verði uppselt á fimmtudaginn ef það gengur eins vel að selja miða og í gær sem er frábært. Erla María verður reyndar líka að fá smá hrós fyrir það að kaupa 8 miða. Þeir sem eiga enn eftir að tryggja sér miða eru hvattir til að koma við á Ölstofu Kormáks og Skjaldar þrið, mið eða fimmt, frá 17 - 22 og vesla. Því fyrr því betra takk fyrir túkall.

2004-06-21T02:30:00.000-07:00

Þá er borgarstjórinn búinn með sitt lögbundna 2 mánaða frí. Það er fullt af hlutum að gerast hjá borgarstjóranum. Útilegan á Skógum er þar efst á Baugi sem verður eins og lög gera ráð fyrir fyrstu helgina í júlí. Gríðarleg stemmning er fyrir þessari ferð og aldrei að vita nema borgarstjórinn haldi ræðu eða eitthvað þvíumlíkt. Ég vil hvetja alla til að panta miða á skogar.tk sem allra fyrst. Þess ber að geta að allar sjoppur í breiðholtinu fengu Skóga plaggat í gær og er það vel.

Ekki er verra að enda þetta á einni stöku,

Hann vanhæfur kemur að verkinu.
Vigdís plantaði lerkinu.
Hvert barn má það sjá
að Bónus hann á
Það er mynd af honum í merkinu

Takk fyrir túkall þangað til næst og meira með

2004-05-28T02:39:00.000-07:00

Það er breiðhyltingur á morgun og spennan magnast. þarf að redda mér skyrtu sem hæfir þemanu á morgun. Spurning hvor ég hafi ekki samband við Tuma og fái lánaða þá frábæru skyrtu sem hann var í á árshátiðinni. Reyndar er spurning hvort hann sé nokkuð farinn úr henni því slík var lukkan með skyrtuna góðu. Talandi um árshátið, þá er ég búinn að fá buxurnar mínar aftur og DD er búinn að fá sínar til baka. Nei nei það var ekkert svoleiðis ef þú ert að spá í því.

Félag verkfræðinema hittist í gær í nýjum húsakynnum félagsins, "sumarhöllinni". Við erum að plana fyrstu helgina í júlí og ég bið fólk að halda sér fast því þetta verður algjor BOBA. Þetta verður mögnuð útilega og samkvæmt Sigga stormi þá verður veðrið alveg frábært.

Leikurinn nálgast Ísland mætir Englandi í vináttuleik í Manchester laugardaginn 5 júní og ég mæti. Ég spái 3-1 fyrir okkur og Eiður skorar 3 og Hemmi rest. A.m.k ætlum við að vinna baráttuna sem háð verður á pöllunum svo mikið er víst. Ég býð bara eftir búningnum sem ég pantaði á aframisland.is í vikunni. Best að pakka öllum knöllum og hrossabrestum í tösku og halda í víking.

Þangað til næst, takk fyrir túkall og meira með.

2004-05-22T02:34:00.000-07:00

Djammið síðasta laugardag var alveg svakalegt og stórkostleg stemmning á mannskapnum. Þá er maður mættur til starfa í Húsasmiðjunni. Hér er allt að gerast og salan í botni. Ég skrapp til Svenna í gærkvöldi og fékk að heyra allt planið í sambandi við fluttningana að austan. Hann sagði að massíft plan væri í gangi og svo kom löng þögn og svo heyrðist, "við förum snemma á laugardeginum og náum í dótið og keyrum svo í bæinn". Þetta var alveg magnað.

Fór á tónleika á stúdentakjallaranum á fimmtudagskvöldið með KK, Eivör og Ossí hattur. Þeir voru alveg ágætir en Ossí hattur olli vonbrigðum. Þess ber að geta að það er bannað að tala á tónleikum þegar stilling gítara fer fram.

Ég hef ekkert heyrt í kettingum á bókhlöðunni og ekki heldur í Dolla cel.

Jeremías og meira með
(eins og amma hans Gunna segir)

Þangað til næst

2004-05-14T06:39:00.000-07:00

Jæja þá eru 24 klst í reiknilega aflfræðiprófið. Get ekki sagt að ég kunni þetta ógeðslega vel en eitthvað er ég að reyna að troða í hausinn á sér. Ég er búinn að tappa öllu sem ég kann í þeim fögum sem ég er nokkuð viss um að hafa náð. Bara svona til að koma meiru fyrir sjáiði. Það væri reyndar helvíti slæmt ef ég væri búinn að eyða öllu sem ég kann úr minninu í fagi sem ég þyrfti að taka aftur. Ég vona að það komi ekki til þess. Svo deyja nú margar heilafrumur annað kvöld þannig að þá fyrst kann maður andkotan ekkert í þessu.

Mér nei djók Ég hlakka til morgundagsins óstjórnlega mikið og ætli maður verði ekki flottur á því og fái sér eins og einn lítinn á gauknum annað kvöld og borgi fyrir það litlar 350 krónur eða eins og maltið kostar á bókhlöðunni.

Ég hélt að kötturinn væri búinn í prófum en það er hann ekki ég hitti hann í gær í blómabeðinu á bókhlöðunni og hann sagðist klára á morgun og ætlaði að kíkja á gaukinn ef hann gæti. Það er nefnilega Eurovision hátíð í kattholti annað kvöld

Og svona í lokin, Gábarinn sagðist hafa fundið villu í glósunum í Aflfræði, je right ég var að segja honum hvað epselon þýddi.

Þangað til næst, takk fyrir túkall.

2004-05-12T14:10:00.000-07:00

Nú er bara eitt próf eftir og helvíti gaman af því. Það versta er að það er á laugardaginn kl 13:30 og búið kl 16:30. En þá eru 9000 sec í Eurovision. Lítill fugl hvíslaði því að mér að kötturinn á bókhlöðunni ætli að kíkja á próflokadjammið hjá verkfræðinni á laugardaginn. Veit nú ekki hvort Larfur hattur og Larfur Grímur ætli að mæta en eitt er víst að Larfur Pappus mætir ekki því hann dó átjánhundruð og eitthvað.

Ég er örugglega evrópumeistari í pökkun ef miðað er við velgengnina í Stærðfræðigreiningu eitt í gær. Gjörsamlega pakkaði henni saman, takk fyrir túkall. Gat lært fyrir LUK í hálfan dag og pakkaði því saman.

Ég á líka mjög góða möguleika á heimsmeti í kroppi ef ég fæ eitthvað fyrir þær spurningar sem ég kroppaði í. Maður er nú svo mikill kroppur sjálfur. Þessi feiti með mjúkufyllingunni.

Deildarfundur í hádeginu á morgun, þar verður fjallað um skólagjöld. Við mætum með okkar 8 atkvæði og fellum þetta.

Þangað til næst.

2004-05-11T05:34:00.000-07:00

Jæja þá er próf í greittb eftir klukkara. Próf í Luk eftir 25klukkara og allt að verða brjálað. En munið, "það eina sem skiptir máli er": fjarlægð massamiðju frá ásnum sem snúið er um. Eða svo segir Larfur Pappus.

Takk fyrir túkall og gangi mér vel í Stærðfræðigreiningu 1B á eftir

2004-05-09T14:47:00.000-07:00

Gott kvöld,

Í þættinum í kvöld verður fjallað um hvernig Pappusarregla er notuð til að reikna rúmmál snúðskika og hvernig Larfur hattur hefur gert lík og böl bara lík.

Þá er ekki fleira í þættinum að sinni veriði sæl
veriði sæl
veriði sæl

2004-05-04T14:08:00.000-07:00

Nú er það formlega staðfest að ég kíki til London a.m.k tvisvar á næstu fjórum mánudum. Ég fer til London 3 júní og svo til Manchester 5 júní til að horfa á Eið vs Becks. Svo er ég líka að fara til London í byrjun september þannig að það er best að pakka strax. Vildi bara deila þessu með ykkur.

Later

2004-05-04T12:08:00.000-07:00

Jæja, þá er próf númer tvö búið. Ég hef ákveðið að óska eftir að kenna kúrsinn "Hver er hæfileg lengd á prófi til að geta leyst það á 3 tímum." Allir kennarar við Háskólann eru velkomnir í þennan kúrs. Prófið í kúrsinum verða 3 klst en best er að nefna það strax að ómögulegt er að leysa prófið á 3 tímum. Hvað er málið með þetta helv... kennara lið, eru þeir ekki með klukku. Vita þeir ekki hvað tímanum líður. Ég er þokkalega brjálaður. Góður mælikvarði á of langt próf er að ef kennarinn nær ekki að skrifa lausnina hugsunarlaust á töflu á 2 tímum þá er það í lengri kantinum ef svo má segja.

Þess má geta að kötturinn á bókhlöðunni hefði ekki einusinni geta leyst Vatnafræðiprófið á 3 tímum þó svo að hann sé búinn að liggja yfir þessu frá því í febrúar. Reyndar hefur hann legið mest á mottunni í gangi hlöðunnar en það er annað mál. Kennararnir mættu allavegana taka köttinn til fyrirmyndar og halda sig á helvítis mottunni.

Nóg um það nú tekur Greitt B við og það verður ekkert gefið eftir í greiningunni skal ég segja ykkur.

Gangi öllum vel í prófunum og munið að prófin eru stutt og laggóð

2004-04-29T13:06:00.000-07:00

Jæja þá er fyrsta prófið búið. Fengum 3 tíma til að leysa það en ég hefði viljað 3 daga. Það var helvíti langt verð ég að segja. Það verður helvíti tæpt en nóg um það helv. Hvað haldiði eða heldurðu (örugglega ekki nema einn sem les þetta blogg hjá mér) ég hitti Dolla a.k.a Celebið á hlöðunni í dag. Hann ákvað að kasta á mig kveðju a leiðinni út og fær hann a.m.k einn hund fyrir það.

Skilyrði fyrir því að fá vinnu á bókhlöðunni:
1. Að tala alltaf ógeðslega hátt
2. Vera góður spretthlaupari. (Til að geta hlaupið uppi fólk sem sýnir ekki skirteini til að fá miða)
3. Vera með ofnæmi fyrir vatni í flöskum.
4. Vera ekki með ofnæmi fyrir köttum.

Fólk með ofnæmi fyrir köttum getur fengið vinnu með því skilyrði að nota bakinngangana.

Snilld dagsins:
Ég var inní ljósritunarherberginu á hlöðunni í dag og þá kom að mér ljóshærð myndarleg stelpa. Hún átti í einhverjum erfiðleikum með gatarann. Ég leit á hana spurningaraugum og þá sagði hún. Hvort á að gata hægra eða vinsta megin á blaðið. Ég hallast að því að 8 klst í greiningu IV hafi orðið til að rugla viðkomandi frekar en hárliturinn.

Þangað til næst.

2004-04-25T13:29:00.000-07:00

Þetta er alveg ótrúlegt, ég er mættur á bókasafnið í VR2 á sunnudagskvöldi. Ég vildi bara óska mér sjálfum til hamingju með árangurinn. Best að skrifa ekki mjög mikið af því að þá geri ég ekkert annað en það.

Já alveg rétt. Ég hef ekkert séð eða heyrt í Dolla þannig að maður hefur svosem ekki mikið að segja frá eða drulla yfir.

þangað til næst ble

2004-04-23T16:27:00.000-07:00

Borgarstjórinn er byrjaður að blogga. Það er alveg ljóst að ef menn ætla að taka celebið á þetta þá verður bara drullað yfir þá á þessari síðu. Ég veit ekki af hverju en mér finnst eins og Nielsen verði einn af þeim fyrstu til að troða sér í þann hóp. Það er nú lítil hætta á að menn troðist undir í þeim hóp. Það þarf örugglega fleiri en einn til að vera í röð eða hóp. Þetta er náttúrulega allt spurning um hvort maður ætli að vera í röð eða mynda röð.

Þangað til næst, lifðu í lukku en ekki í krukku