<$BlogRSDURL$>

Breiðfjörðinn ræður ríkjum

Tuesday, October 11, 2005

Jæja þá er próftaflan mín komin í hús. Hún er svona líka alveg magnað skelfileg. Ég greyið þarf að taka tvö próf á einum degi þ.e. þeim 10 desember. Það er gott til þess að vita að Hreinn Pálsson prófstjóri hafi svo mikla trú á mér að hann telji mig geta klárað þetta. Sjálfur hef ég alltaf haft svona tiltölulega mikla trú á sjálfum mér í gegnum tíðina. Það verður ekkert mál að klára þessi próf. Maður er nú ekki nema í fimm kúrsum og vinna svona sirka 100 prósent með. Maður spyr sig hvar próflausu kúrsarnir séu? Já auðvitað, hinum megin við Suðurgötuna. Eða eins og ég hef oft sagt S.F.H.M.V.S.

Ég fór í haustferð síðastliðin föstudag með fallega fólkinu í umhverfis og byggingarverkfræði. Við lögðum af stað um kl 08:30 eða svona sléttum nokkrum klukkutímum eftir öldrykkju á Októberfest. Við heimsóttum Vegagerðina í Borgarnesi, svo fórum við í Deildartunguhver, þó ekki ofaní því hann er í heitari kantinum. Svo fórum við í Andakílsárvirkjun og enduðum hjá Loftorku í Borgarnesi. Ekki má gleyma því sem öllum þótti mest áhugavert í ferðinni en það var heimsóknin í Búvélasafnið. Það var sennilega eitt það leiðinlegasta og óáhugaverðasta sem ég hef séð lengi eða frá því að ég sá greiningu IIIB bókina síðast.

Svo er náttúrulega gaman að segja frá því að Ævar Örn bróðir og félagar hans ætla að flytja inn rappara frá NY til að skemmta landanum. Maður á sjálfsagt eftir að skipta sér eitthvað af því. Maður er svo sjúklega mikið inní þessum rappara heimi. Nú er bara að taka fram bling bling dótið sem maður á og hengja það framanásig og henda upp derhúfunni.

Jæja þá er best að kíkja á skýrslu í Jarðtækni og grundun.
Comments:
Spurning hvort einhver geti ráðið gátuna S.F.H.M.V.S.?
 
Sukkuladi folkid hinum megin vid sudurgotuna!!

Annars er otrulegur uppgangur her a sidunni en hun er talin ein su heitasta a veraldarvefnum thessa stundina.

Gaman ad segja fra thvi ad fyrir ekki svo longu bustadi eg rhymur fyrir tvaer ungar budardomur i downtown Seattle. Kenndi linurnar med mig en voru lykillinur i Stick'em up med quarashi.

Spurning um ad blogga bara sjalfur i stadinn fyrir ad skrifa ritgerd i thetta kerfi commenta.

Tumi
 
Ég hef nú aldrei prófað að taka bling bling dótið sem hangir framan á mér af, vissi ekki einu sinni að það væri hægt, betra að fara að tékka á því til að hafa þetta á hreinu ;)
 
Post a Comment

This page is powered by Blogger. Isn't yours?